Боздошти корманди дастгоҳи президент ҳангоми порагирӣ

19/04/2016 09:21
ASIA-Plus
Views: 1956

Кормандони Вазорати корҳои дохилии Тоҷикистон рӯзи 3 апрел роҳбари маркази технологияҳои иттилоотӣ ва комуникатсионии дастгоҳи иҷроияи президенти ҷумҳурӣ Сафизода Қадамҷон Исмати 34-соларо дар манзили зисташ ҳангоми порагирӣ боздошт намуданд.

Бино ба иттилои як манбаъи «Азия-Плюс» дар сохторҳои қудратии ҷумҳурӣ, то замони таъин ба вазифаи роҳбари маркази мазкур боздоштшуда ба ҳайси муовини сардори Хадамоти алоқаи назди ҳукумати Тоҷикистон ифои вазифа мекардааст.

Ба ҷуз порагирӣ, боздоштшуда ҳамчунин ба ғайримақсаднок истифода бурдани воситаҳои буҷетӣ гумонбар дониста мешавад.

Сафизода ба ивази кумак барои бо кор таъмин шудан дар маркази таҳти сарвариаш қарордошта аз як шаҳрванд пора талаб кардааст.

Бо амри президенти Тоҷикистон аз 4 апрел Сафизода Қадамҷон Исмат аз вазифаи мудири маркази технологияҳои иттилоотӣ ва комуникатсионии дастгоҳи иҷроияи президент бидуни зикри сабаб озод карда шудааст.

Назари худро бинависед

CAPTCHA
This question is for testing whether you are a human visitor and to prevent automated spam submissions.

Назарҳо

News no