Дарёфти ҷасади кӯҳнаварди руси дар қуллаи Сомонӣ ҳалокшуда

24/08/2016 13:22
Asia--Plus
Views: 3807

Ҷасади кӯҳнаварди рус Михаил Волков, ки рӯзи 14 август ҳангоми фатҳи қуллаи Исмоили Сомонӣ дар Тоҷикистон ҳалок шуда буд, аз ҷониби наҷотдиҳандагон клуби кӯҳнавардии Донишкадаи авиатсионии Маскав ва ширкати сайёҳии тоҷикистонии «ПомирПикс» дарёфт шуд.

Раиси Шӯрои рушди сайёҳӣ дар Тоҷикистон Давлат Ҳабибов ба «Азия-Плюс» дар ин робита иттилоъ дод, ки ҷасади раиси клуби кӯҳнавардии Донишкадаи авиатсионии Маскав Михаил Волков рӯзи 22 август дарёфт шудааст.

Ба гуфтаи ӯ, айни замон корҳои ҷустуҷӯи ҷасади кӯхнавардзани рус Наталя Светова, ки ҳамроҳи Волко фавтида буд, идома дорад.

Ёдрас мекунем, ки субҳи рӯзи 14 август зимни фатҳи қуллаи Исмоили Сомонӣ дар Тоҷикистон ду кӯҳнаварди Русия - раиси клуби кӯҳнавардии МАИ Михаил Волков ва Наталя Светова ба ҳалокат расиданд.

Назари худро бинависед

CAPTCHA
This question is for testing whether you are a human visitor and to prevent automated spam submissions.

Назарҳо

News no