Дидори вазири корҳои хориҷӣ бо муовини котиби давлатии ИМА

05/08/2016 11:18
ASIA-Plus
Views: 3176

Дар доираи сафари вазири корҳои хориҷии Тоҷикистон Сироҷиддин Аслов ба Вашингтон ҷиҳати иштирок дар ҷаласаи вазирони корҳои хориҷии С5+1 рӯзи 4 август мулоқоти ӯ бо муовини котиби давлатии ИМА Энтони Блинкен баргузор гардид.

Бино ба иттилои Вазорати корҳои хориҷии ҷумҳурӣ, зимни мулоқот доираи васеъи ҳамкориҳои дуҷониба ва инчунин натиҷаи мулоқоти вазирони корҳои хориҷии сиғаи С5+1 мавриди муҳокима қарор гирифта, ҷонибҳо натиҷаи мулоқоти вазирони С5+1-ро дар Вашингтон мусбат арзёбӣ намуданд ва аҳамияти баррасии масъалаҳои иқтисодӣ, амниятӣ ва муҳити зистро дар ҳамкориҳои дуҷониба ва бисёрҷониба таъкид намуданд.

Ҳамин рӯз Сироҷиддин Аслов ҳамчунин бо ёвари котиби давлатии ИМА оид ба умури Осиёи Ҷанубӣ ва Марказӣ Ниша Бисвал низ дитдуору гуфтушунида карда, зимни мулоқот масъалаҳои ҳамкориҳои дуҷониба ва бисёрҷонибаи Ҷумҳурии Тоҷикистон бо ИМА мавриди баррасӣ қарор гирифтанд.

Назари худро бинависед

CAPTCHA
This question is for testing whether you are a human visitor and to prevent automated spam submissions.

Назарҳо

News no