Кордкашии ҷавонони пойтахт дар назди тарабхона

12/08/2016 13:38
Asia--Plus
Views: 3096

Кормандони милитсия ду ҷавони сокини Душанберо ба гумони даст доштан дар авбошӣ ва истифода аз корд зимни муноқиша боздошт намуданд.

Бино ба иттилои дафтари матбуоти ВКД Тоҷикистон, шаби рӯзи 9 август дар назди тарабхонаи “Дӯстӣ»-и пойтахт шахсони номаълум ҷавони 18-солаи сокини шаҳри Душанберо бе ягон асос дашномҳои кабеҳ гуфта, ӯро лату кӯб мекунанд.

«Сипас бо корд ба қафаси синааш зада, аз ҷойи ҳодиса ғайб задаанд. Ҳангоми рух додани ин ҳодиса ҷабрдида ҷароҳати ҷисмонӣ бардошта, дар беморхона бистарӣ шудааст», - омадааст дар маълумот.

Гуфта мешавад, бо доир намудани чорабиниҳои оперативӣ-ҷустуҷӯӣ кормандони милитсия ду нафар ҷавони 21-солаи сокинони шаҳри Душанберо ҳамчун гумонбар дар содир намудани ин ҷинояти авбошӣ дастгир намудаанд.

Зимнан зикр мегардад, ки айни замон нисбати гумонбаршудагон парвандаи ҷиноятӣ оғоз гардида, корҳои тафтишотӣ давом дорад.

Назари худро бинависед

CAPTCHA
This question is for testing whether you are a human visitor and to prevent automated spam submissions.

Назарҳо

News no