Сургут: Эҳтимоли ҳалокати 3 тоҷикистонӣ дар сӯхтор

29/03/2016 13:31
ASIA-Plus
Views: 1079

Аз ҳалокати се шаҳрванди Тоҷикистон зимни сӯхтори шаби гузашта дар шаҳри Сургути Русия эҳтимол меравад.

Тибқи маълумоти фаврии Сарраёсати Вазорати ҳолатҳои фавқулодаи Русия дар Ҳавзаи Мухтори Ханти-Мансийск, дар кӯчаи Островскиий шаҳри Сургут шаби гузашта контейнерҳои боркаш, ки барои иқомату зист мувофиқ шуда буданд, оташ гирифтаанд. Бар асари он се нафар ба ҳалокат расида, шахсияти онҳо муайян карда мешавад.

Қайд мешавад, ки ин контейнерҳо дар қаламрави бозори «Торговый ряд» ҷойгир будаанд. Айни замон бо кадом асос дар онҳо зиндагӣ кардани одамон ва ҳамчунин сабаби сар задани сӯхтор мавриди таҳқиқ қарор дода шудааст.

Гуфта мешавад, майдони сӯхтор 40 метри мураббаъро фаро гирифта, барои хомӯш кардани оташ 10 адад техника ва 36 нафар кормандони воҳидҳои Вазорати ҳолатҳои фавқулода сафарбар шудаанд. Аз рӯи ин далел муфаттишогн ба санҷиш оғоз намуда, ҷасадҳои ҳалокшудагон ба таҳқиқи судиву тиббӣ фиристода шудааст.

Дар ҳамин ҳол, тибқи маълумоти пешакии ба ВАО-и маҳаллӣ расида, ҳалокшудагон шаҳрвандони Тоҷикистон буда, дар сохтмонҳои шаҳр кор мекардаанд.

Назари худро бинависед

CAPTCHA
This question is for testing whether you are a human visitor and to prevent automated spam submissions.

Назарҳо

News no